Рождество 2023/2024. Поклонение волхвов
Три славнії царі, звідки ви прийшли? З далекого Сходу за звіздою йшли, Щоб побачить Рожденного Христа-Бога правдивого Пречистої Діви, Діви Марії.
Христос раждается — славите! Христос с Небес — срящите! Христос на земли — возноситеся! Пойте Господеви, вся земля, и веселием воспойте, людие, яко прославися.
Готовися, Вифлеоме, отворзися всем, Едоме, красуйся, Евфрафо, я́ко древо живота в вертепе процвете от Девы: рай бо Оноя чрево явися мысленный, в немже Божественный сад, от негоже ядше, живи будем, не якоже Адам умрем. Христос раждается прежде падший возставити образ.
Днесь раждается от Девы рукою всю содержай тварь, пеленами, якоже зимен, повивается, иже существом неприкосновенен Бог. В яяслех возлежит утвердивый Небеса словом в началех, от сосцев млеком питается, иже в пустыни манну одождивый людем, волхвы призывает Жених церковный, дары сих приемлет Сын Девы. Покланяемся Рождеству Твоему, Христе; покланяемся Рождеству Твоему, Христе; покланяемся Рождеству Твоему, Христе: покажи нам и Божественная Твоя Богоявления.
Что Тебе принесем, Христе, яко явился еси на земли яко Человек нас ради? Каяждо бо от Тебе бывших тварей благодарение Тебе прино́сит: Ангели — пение; небеса — звезду; волсви — дары; пастырие — чудо; земля — вертеп; пустыня — ясли; мы же — Матерь Деву. Иже прежде век, Боже, помилуй нас.
Слава в Вышних Богу, и на земли мир. Днесь восприемлет Вифлеем седящаго присно со Отцем, днесь Ангели Младенца, рожденнаго боголепно, славословят: слава в Вышних Богу, и на земли мир, в человецех благоволение.
Дева днесь Пресущественнаго раждает, и земля вертеп Неприступному приносит: ангели с пастырьми славословят, волсви же со звездою путешествуют: нас бо ради родися Отроча младо, Превечный Бог.
Рождество Твое Христе Боже наш, возсия мирови свет разума: в нем бо звездам служáщии звездою учахуся Тебе кланятися Солнцу правды, и Тебе ведети с высоты Востока: Господи, слава Тебе.
